ფიფას ახალი პრეზიდენტი ჯანი ინფანტინო მსოფლიო ჩემპიონატზე წესების შეცვლას და ტურნირზე მოასპარეზე ქვეყნების რაოდენობის 48-მდე გაზრდას აპირებს.
ეს საკითხი რამდენიმე თვის წინაც იყო წამოჭრილი, თუმცა ახლა იტალიელი პრეზიდენტი აქტიურად განიხილავს დეტალებს და გადაწყვეტილებას უახლოეს მომავალში მიიღებს.
ახალი წესების თანახმად, იქნება 16 ჯგუფი, სადაც თითოში 3 ნაკრები იქნება წარდგენილი, თითო ჯგუფიდან კი 1 ქვეყანა გავა შემდეგ ეტაპზე.
რა თქმა უნდა, წესების ცვლილებების შემდეგ მსოფლიო ჩემპიონატზე მოხვედრის კარგი შანსი გაუჩნდება საქართველოს ნაკრებს, რადგან მუნდიალზე ევროპიდან გაცილებით მეტ ქვეყანას ექნება მოხვედრის საშუალება.
