ლონდონის „ჩელსი“ მზადაა „ლაიფციგს“ ტიმო ვერნერის გამოსასყიდი თანხა 60 მილიონი ევრო გადაუხადოს და შესაბამისად, ფეხბურთელს კონტრაქტი გაუფორმოს.

ბრიტანული მედია აქტიურად წერს, რომ მხარეებს შორის სიტყვიერი შეთანხმება შედგა და გერმანელი დიდი ალბათობით, ზაფხულში ინგლისს მიაშურებს.

როგორც უკვე ვთქვით, „ლაიფციგი“ გუნდის საუკეთესო ბომბარდირის სანაცვლოდ 60 მილიონ ევროს მიიღებს, ხოლო თავად ფეხბურთელი „სტემფორდ ბრიჯზე“ წელიწადში 10 მილიონ ევროს გამოიმუშავებს.

ვერნერი „ლაიფციგში“ 2016 წლიდან თამაშობს და მოქმედი კონტრაქტი ძალაში 2023 წლამდეა. გერმანელმა ფორვარდმა დღემდე რედ ბულელთა რიგებში 154 შეხვედრა ჩაატარა და 92 გოლი გაიტანა.