ინგლისური „მანჩესტერ სიტი“ ლიონელ მესისთვის ბრძოლაში ფავორიტია, იმ შემთხვევაში თუ არგენტინელი „ბარსელონას“ დატოვების გადაწყვეტილებას მიიღებს.
Mirror-ის ცნობით, მანჩესტერელები მზად არიან მესის შესაძენად ყველაფერი გააკეთონ და ფინანსურ რესურსს არ დაიშურებენ.
შეგახსენებთ, მესის „ბარსასთან“ კონტრაქტი 2021 წლამდე აკავშირებს და მისი გახანგრძლივება ამ დრომდე ვერ მოახერხეს.
კლუბში შექმნილი მძიმე ვითარებიდან გამომდინარე კი სულაც არაა გამორიცხული არგენტინელმა გუნდის შეცვლის გადაწყვეტილება მიიღოს. „მანჩესტერ სიტის“ გარდა მესის ხშირად მილანის „ინტერსაც“ უკავშირებენ.
