🚨🇫🇷 1989-1990 წლების სეზონში საფრანგეთის ჩემპიონატში მარსელის „ოლიმპიკსა“ და ბორდოს „ჟირონდინს“ შორის უშეღავათო საჩემპიონო რბოლა გაჩაღდა.

ორივე გუნდის შემადგენლობაში უამრავი ადგილობრივი თუ უცხოელი ვარსკვლავი თამაშობდა. „მარსელის“ შეტევას ჟან-პიერ პაპენი, კრის უოდლი და ენცო ფრანჩესკოლი მეთაურობდნენ. შუა ხაზში ტიგანა, სოზე, ვერკრუისი და ჟერმენი მოქმედებდნენ, ხოლო დაცვას ამოროსი, მოზერთან და მურასთან ერთად უძღვებოდა.

„ბორდოს“ კარს კამერუნელი ანტუან ბელი იცავდა, დაცვის ხაზში პატრიკ ბატისტონი, დიდიე სენაკი და სულ ახალგაზრდა ბიქსენტ ლიზარაზუ იდგნენ. ნახევარდაცვას დანიელი იესპერ ოლსენი, ბერნარ პარდო, ჟან-ფილიპ დიურანი და ევრო 1984-ის გამარჯვებული, მე-10 ნომერი ჟან-მარკ ფერერი ამშვენებდნენ. თავდასხმაში კი ჰოლანდიურ-გერმანული დუეტი — პიტ დენ ბური და კლაუს ალოფსი მოქმედებდა.

გუნდები ერთმანეთს 1990 წლის აპრილის შუა რიცხვებში, 33-ე ტურში, „ველოდრომზე“ შეხვდნენ. „მარსელს“ 1989 წლის ოქტომბერში „ბორდოსთან“ განცდილი მარცხისთვის (0😺) რევანშის აღება წყუროდა.

ანგარიში 59-ე წუთზე კრის უოდლიმ საჯარიმო დარტყმით გახსნა — ინგლისელმა „ბორდოს“ მეკარე მოატყუა და ბურთი ბადეში გაახვია. მსაჯის მიერ კომპენსირებულ დროში უოდლიმ კიდევ ერთი ჯარიმა გაიტანა, დუბლი შეასრულა და „მარსელს“ უმნიშვნელოვანესი გამარჯვება მოუტანა. ამ მოგებით პროვანსელებმა ჩემპიონობისკენ გადამწყვეტი ნაბიჯი გადადგეს. „ბორდო“ გამარჯვებულს 2 ქულით ჩამორჩა და მეორე ადგილს დასჯერდა — მიუხედავად იმისა, რომ გუნდებს მოგებათა თანაბარი რაოდენობა ჰქონდათ, „ჟირონდინელებმა“ ორ შეხვედრაში მეტად წააგეს.

ეს საფრანგეთის ჩემპიონატის ნამდვილი ოქროს ხანა გახლდათ, რომელიც 1993 წელს, „მარსელის“ გარშემო აგორებული მატჩების ჩაწყობის სკანდალით დასრულდა.