🚨 🧤 1998 წლის მსოფლიო ჩემპიონატი პირველი ტურნირი იყო, სადაც მონაწილეთა რაოდენობა 24-დან 32 ნაკრებამდე გაიზარდა.

თუ იმ მუნდიალზე გამოძახებულ მეკარეებს გადავხედავთ, ისინი რამდენიმე საინტერესო კატეგორიად შეგვიძლია დავყოთ.

პირველ ჯგუფში ის მეკარეები შედიან, რომლებმაც ოთხი წლის წინანდელი ჩემპიონატის მსგავსად, ძირითად შემადგენლობაში ადგილი შეინარჩუნეს: ტაფარელი 🇧🇷, სონგო’ო 🇨🇲, პალიუკა 🇮🇹, რუფაი 🇳🇬, კამპოსი 🇲🇽, ალ-დეაია 🇸🇦 და სუბისარეტა 🇪🇸.

მეორე კატეგორია იმ მეკარეებს აერთიანებს, რომლებიც წინა მსოფლიო ჩემპიონატებზე სათადარიგოები იყვნენ, საფრანგეთში კი პირველ ნომრებად მოგვევლინნენ: კონსელი 🇦🇹 (1990-ში რეზერვისტი იყო), დე ვილდე 🇧🇪 (1994-ში პრუდომის დუბლიორი), მონდრაგონი 🇨🇴 (კორდობას შემცვლელი), კეპკე 🇩🇪 (რომელიც 1990 და 1994 წლებში ილგნერის ჩრდილში იყო), ვან დერ სარი 🇳🇱 (რომელმაც ძირითადი მეკარის სტატუსი ედ დე გუის ჩამოართვა) და სტელეა 🇷🇴 (პრუნეას ყოფილი შემცვლელი).

მესამე ჯგუფში ის მეკარეები არიან, რომლებმაც მსოფლიო ფორუმზე პირველად იასპარეზეს: მათ შორის იყვნენ კარლოს როა 🇦🇷, ზდრავკოვი 🇧🇬 (რომელმაც 1986 და 1994 წლების მუნდიალების მონაწილე მიხაილოვი შეცვალა), ლადიჩი 🇭🇷, კელერი 🇺🇸 (რომელმაც 1994 წლის რეზერვისტებს, ფრიდელსა და ზომერს აჯობა), შმეიხელი 🇩🇰 და ელ-უაერი 🇹🇳.

მეოთხე ჯგუფში კი ის მეკარეები მოხვდნენ, რომლებიც 1998 წელს სათადარიგოთა სკამზე ისხდნენ, თუმცა მოგვიანებით ნამდვილ ლეგენდებად იქცნენ: კანი და ლემანი 🇩🇪, ბუფონი 🇮🇹, დიდა 🇧🇷 და კავალიერო 🇦🇷.

თქვენი აზრით, რომელ ნაკრებს ჰყავდა მეკარეების საუკეთესო სამეული? 🤔