🚨 🔙 ისტორიული დაპირისპირება: „მარსელი“ „აიაქსის“ წინააღმდეგ!
თასების მფლობელთა თასის ნახევარფინალი, 1987-1988 წლების სეზონი.

„აიაქსის“ ახალგაზრდულმა გუნდმა „ველოდრომზე“ ვარსკვლავებით დაკომპლექტებული „მარსელი“ გააოცა.

ფრანგული კლუბის შემადგენლობაში ნამდვილი ლეგენდები თამაშობდნენ: ბელი კარში, კალე ფერსტერი დაცვაში, ნახევარდაცვაში კი აბედი პელეს, ჟენგინისა და ჟირესის ბრწყინვალე ტრიო. შეტევაში ალოფსისა და პაპენის მომაკვდინებელი დუეტი მოქმედებდა.

„აიაქსის“ სასტარტო თერთმეტეულში რამდენიმე ამომავალი ვარსკვლავი ფიგურირებდა, მათ შორის ვინტერი და ვიჩგე. სათადარიგოთა სკამზე 19 წლის დენის ბერგკამპი იჯდა, გამოცდილებაზე კი არნოლდ მიურენი და ვაუტერსი აგებდნენ პასუხს.

პირველ ტაიმში ვიჩგეს მიერ გატანილმა ორმა გოლმა ნიდერლანდურ გრანდს სრული უპირატესობა მოუპოვა.

შეცვლაზე შემოსულმა ახალგაზრდა დენის ბერგკამპმა კი მესამე გოლით ამსტერდამელებს თასების მფლობელთა თასის ფინალის საგზური საბოლოოდ გაუნაღდა.