🚨💰 საფეხბურთო ფინანსების...

🚨💰 საფეხბურთო ფინანსების ექსპერტი კირან მაგუაირი „მანჩესტერ სიტის“ დამნაშავედ ცნობის შესახებ საუბრობს:

„პრემიერ ლიგის ისტორიაში მსგავსი პრეცედენტი არ არსებობს. აქამდე გვინახავს კლუბები, რომლებსაც ფინანსური პრობლემები საკუთარი შეცდომების გამო შეექმნათ.

თუმცა, როგორც რიჩარდ მასტერსმა აღნიშნა, ეს არის პრემიერ ლიგის, აუდიტორების, კლუბის თანამშრომლებისა და გულშემატკივრების სისტემატური მოტყუების მცდელობა. ისინი მალავდნენ, თუ რეალურად როგორ იმართებოდა კლუბის ყოველდღიური ფინანსები.

ციფრებს ვუყურებ და ვხედავ, რომ 9-წლიან პერიოდში მათ 900 მლნ ფუნტის ოდენობის უპირატესობა მიიღეს.

იმ პერიოდში „დიდი ექვსეულის“ კლუბების საშუალო შემოსავალი 2.9 მლრდ ფუნტს შეადგენდა. გამოდის, რომ „მანჩესტერ სიტის“ ერთ მესამედზე მეტი უპირატესობა ჰქონდა. ეს კოლოსალური სხვაობაა, როდესაც საქმე ხელფასებს, ტრანსფერებსა და ახალ კონტრაქტებზე მოლაპარაკებებს ეხება.

ეს ყველაფერი კითხვის ნიშნის ქვეშ აყენებს იმ პერიოდში მათ მიერ მიღწეული ყველა წარმატების სამართლიანობასა და ღირსებას.

ნებისმიერი ადამიანი, ვინც ამ ციფრებს გადახედავს, „მანჩესტერ სიტის“ კომერციულ შემოსავლებს მიაქცევს ყურადღებას. შეიხ მანსურის მიერ კლუბის შეძენის პირველ წელს მათი შემოსავალი მხოლოდ 23 მლნ ფუნტი იყო.

2018 წლისთვის კი ამ მაჩვენებელმა 232 მლნ ფუნტს მიაღწია. ეს წარმოუდგენელი ზრდა იყო, რამაც მაშინვე ბევრი კითხვა გააჩინა, თუმცა ციფრების მიზანმიმართული ნიღბვის მყარი მტკიცებულება არ არსებობდა.

ჰაკერული თავდასხმისა და მოპოვებული მტკიცებულებების შემდეგ კი ნათლად გამოჩნდა, რომ „მანჩესტერ სიტიში“ მონაცემებს აშკარად აყალბებდნენ“.

(წყარო: Kieran Maguire)