🚨 „მანჩესტერ სიტის“ გენე...

🚨 „მანჩესტერ სიტის“ გენერალურმა დირექტორმა, ფერან სორიანომ, ბრალდების გადაწყვეტილებას „პრემიერ ლიგის კონსპირაციის თეორია“ უწოდა:

🗣️ „მინდა გაგიზიაროთ ინფორმაცია იმ სადისციპლინო პროცესის შესახებ, რომელიც „მანჩესტერ სიტისა“ და პრემიერ ლიგას შორის მიმდინარეობს.

გასაჯაროვდა პრემიერ ლიგის კომისიის დასკვნა, რომელიც ჩვენი ინტერესების საწინააღმდეგოა. მსურს ზუსტად განვმარტო, რასთან გვაქვს საქმე, რა იქნება შემდეგი ნაბიჯები, როგორ გავაგრძელებთ კლუბის დაცვას და როგორ დავამტკიცებთ საბოლოოდ ჩვენს სიმართლეს.

ეს პროცესი იმდენად გაჭიანურდა, რომ უნდა შეგახსენოთ: ჩვენ წინააღმდეგ აღძრული მთელი საქმე ეფუძნება ერთადერთ ცრუ ბრალდებას — თითქოს მფლობელის პირადი ფული კლუბში ფარულად, აბუ-დაბის სპონსორების გავლით შედიოდა.

ეს სიცრუეა. პრემიერ ლიგის კომისიას წარვუდგინეთ უტყუარი მტკიცებულებები, რომლებიც ადასტურებს, რომ მსგავსი რამ არც მომხდარა და არც შეიძლებოდა მომხდარიყო.

ყველა სხვა ცრუ ბრალდება, რაც ჩვენს წინააღმდეგ გაჟღერდა და ასე აგრესიულად შუქდება, სწორედ ამ ერთი, სრულიად მცდარი და აბსურდული ბრალდებიდან იღებს სათავეს.

ჩვენთვის და ჩვენი იურისტებისთვის მოულოდნელად, თითქმის ორწლიანი განხილვის შემდეგ, პრემიერ ლიგის კომისიამ გამოაქვეყნა დასკვნა, რომელიც პრემიერ ლიგის ამ კონსპირაციის თეორიას იზიარებს.“