🚨 რუი პინტომ, „ფუტბოლ ლი...

🚨 რუი პინტომ, „ფუტბოლ ლიქსის“ სკანდალურმა ინფორმატორმა, რომლის მიერ გასაჯაროებული დოკუმენტებიც პრემიერ ლიგის მხრიდან „მანჩესტერ სიტის“ წინააღმდეგ დაწყებული გამოძიების საფუძველი გახდა, პორტუგალიაში დაცული მოწმის სტატუსი დაკარგა.

37 წლის პინტო სახელმწიფო დაცვის ქვეშ 2020 წლიდან იმყოფებოდა. თუმცა, პორტუგალიის პოლიციამ მის სიცოცხლესთან დაკავშირებული საფრთხეები ახლა უკვე დაბალ დონეზე შეაფასა — მიუხედავად იმისა, რომ მიმდინარე წლის აპრილში, ლისაბონში, მას ფიზიკურად გაუსწორდნენ.

მას ურჩიეს, ოჯახის წევრებთან კონტაქტისას მაქსიმალური სიფრთხილე გამოიჩინოს და სოციალური ქსელების გამოყენებისგან თავი შეიკავოს.

(წყარო: The Guardian)