იურგენ კოლერს 61 წელი შეუსრულდა!

🇩🇪 იურგენ კოლერს 61 წელი შეუსრულდა!

მსოფლიო ჩემპიონს და გერმანული ფეხბურთის ლეგენდას დღეს დაბადების დღე აქვს. „ვალდჰოფ მანჰაიმის“, „კიოლნის“, მიუნხენის „ბაიერნის“, „ბორუსია დორტმუნდისა“ და ტურინის „იუვენტუსის“ ყოფილი ვარსკვლავი 61 წლის გახდა.

კოლერმა გერმანიის ნაკრებში 105 მატჩი ჩაატარა და სამ-სამჯერ მიიღო მონაწილეობა მსოფლიოსა და ევროპის ჩემპიონატებზე.

„რკინის სტოპერად“ წოდებული მცველის კარიერა „ვალდჰოფ მანჰაიმში“ დაიწყო, სადაც მისი ნიჭი კლაუს შლაპნერის ხელმძღვანელობით გამოვლინდა. მოგვიანებით ის „კიოლნში“ გადავიდა, სადაც კრისტოფ დაუმის ფორმაციაში ტექნიკური უნარებიც დახვეწა.

მიუნხენის „ბაიერნში“ კოლერმა 1990 წელს ბუნდესლიგა მოიგო, რის შემდეგაც ტურინის „იუვენტუსს“ შეუერთდა. იტალიაში მან ნამდვილი აღიარება მოიპოვა — ჯოვანი ტრაპატონისა და მარჩელო ლიპის გუნდში ის დაცვის ბურჯად იქცა, მოიგო უეფა-ს თასი, სკუდეტო და იტალიის თასი.

1995 წელს კოლერი სამშობლოში დაბრუნდა და „ბორუსია დორტმუნდს“ შეუერთდა. სწორედ აქ დაიწერა მისი კარიერის ყველაზე ემოციური თავი. 1997 წელს მან ჩემპიონთა ლიგის ნახევარფინალში „მანჩესტერ იუნაიტედის“ წინააღმდეგ დაუვიწყარი მატჩი ჩაატარა, ფინალში კი ყოფილი კლუბი, „იუვენტუსი“ დაამარცხა და ევროპის უმთავრეს ტიტულს დაეუფლა.

ნაკრებში მისი მწვერვალი 1990 წლის მსოფლიო ჩემპიონატი იყო, სადაც მარკო ვან ბასტენის წინააღმდეგ ბრწყინვალე თამაშით დაამახსოვრა თავი გულშემატკივარს. 1996 წელს კი, უკვე კაპიტნის რანგში, ევროპის ჩემპიონიც გახდა.

იურგენ კოლერი პერსონალური მეურვეობის დიდოსტატი და ნამდვილი პროფესიონალია, რომელმაც დაცვაში თამაში მაღალ ხელოვნებად აქცია.

📰 წყარო: Estadio.GE