ნასა, Google და Apple ლონდონში: არტეტა არსენალის ტრავმებს კოსმოსური ტექნოლოგიებით ებრძვის!

ფოტო: skysports.com

ფეხბურთი და კოსმოსური ტექნოლოგიები? დიახ, სწორედ ასეა! თუ ბრიტანულ პრესას დავუჯერებთ, „არსენალის“ თავკაცმა მიქელ არტეტამ გუნდში არსებულ ტრავმების ეპიდემიასთან საბრძოლველად სრულიად არასტანდარტულ, პრაქტიკულად ფანტასტიკის სფეროს მეთოდებს მიმართა.

Daily Mail-ის ცნობით, ესპანელმა სპეციალისტმა ფეხბურთელების ფიზიკური კონდიციების აღდგენისა და დაზიანებების პრევენციისთვის არც მეტი, არც ნაკლები — NASA-ს მიმართა!

მაგრამ ეს ყველაფერი როდია...

კოსმოსურ სააგენტოსთან ერთად, ამ უპრეცედენტო პროცესში ტექნოლოგიური გოლიათები — Google და Apple-იც არიან ჩართულნი.

• რატომ დასჭირდა არტეტას გიგანტების დახმარება?
„მეთოფეებს“ ლაზარეთში საკმაოდ ბევრი წამყვანი მოთამაშე ჰყავთ, რაც ტიტულებისთვის ბრძოლაში სერიოზულ პრობლემებს ქმნის. როგორც ჩანს, ლონდონელთა სამწვრთნელო შტაბში ჩათვალეს, რომ სტანდარტული მედიცინა და აღდგენითი თერაპია საკმარისი აღარაა და უახლესი, ინოვაციური მონაცემთა ანალიტიკა სჭირდებათ.

ეს ნამდვილად ტოპ-კლასის მიდგომაა. თანამედროვე ფეხბურთში დეტალები ყველაფერს წყვეტს და როდესაც შენს გვერდით NASA-ს ინჟინრები და ტექ-გიგანტები დგანან, შედეგსაც შესაბამისს ელოდები.

ვნახოთ, რამდენად უშველის „კოსმოსური მეთოდები“ ჩრდილოეთლონდონელებს პრემიერლიგის უმძიმეს მარათონში. ერთი რამ კი ფაქტია — არტეტა ინოვაციების ძიებაში საზღვრებს საერთოდ არ ცნობს!

წყარო: skysports.com