ჰარი კეინის სენსაციური პუნქტი: „ტოტენჰემს“ ინგლისელის დაბრუნების უფლება ახალ კონტრაქტშიც დარჩა!

ფოტო: skysports.com

საფეხბურთო სამყაროში ხელშეკრულებების დეტალები ხშირად იმაზე მეტ ინტრიგას ინახავს, ვიდრე ერთი შეხედვით ჩანს!

მიუხედავად იმისა, რომ ინგლისის ეროვნული ნაკრების კაპიტანმა ჰარი კეინმა მიუნხენის „ბაიერნთან“ ახალი, 2029 წლამდე გათვლილი შთამბეჭდავი კონტრაქტი გააფორმა, ლონდონის „ტოტენჰემს“ ფორვარდის დაბრუნების იურიდიული შანსი მაინც უნარჩუნდება.

როგორც Sky Sports იუწყება, 2023 წელს განხორციელებული 100-მილიონიანი სატრანსფერო გარიგების ფარგლებში, კლუბებს შორის ჩაიდო სპეციალური პუნქტი (matching rights). ამ შეთანხმების თანახმად, „დეზებს“ აქვთ სრული უფლება გაუტოლდნენ ნებისმიერ ოფიციალურ შეთავაზებას, რომელსაც გერმანული გრანდი მომავალში კეინის თაობაზე სხვა კლუბისგან მიიღებს. ასეთ შემთხვევაში, „ბაიერნი“ ვალდებული გახდება ლონდონელთა წინადადებაც მიიღოს.

• რატომ არ შეცვალა ვითარება ახალმა ხელშეკრულებამ?
საქმე ისაა, რომ ეს პუნქტი ორ კლუბს შორის არსებული სატრანსფერო შეთანხმების ნაწილია და მას არანაირი პირდაპირი კავშირი არ აქვს უშუალოდ ფეხბურთელის პირად კონტრაქტთან. შესაბამისად, კეინის მიერ მიუნხენურ გრანდში ახალ ხელშეკრულებაზე ხელის მოწერა ამ პუნქტს გაუქმებით არ ემუქრება — ის კვლავ ძალაში რჩება!

ეს გახლავთ ტოპ კლასის მენეჯმენტის მაგალითი ლონდონელების მხრიდან, რაც „ტოტენჰემს“ მომავალში მოვლენების ნებისმიერი სცენარით განვითარებისას პრიორიტეტულ პოზიციაში ტოვებს.

წყარო: skysports.com