ოფიციალურად: საუთგეითი ინგლისის ნაკრების მთავარი მწვრთნელია

ინგლისური ფეხბურთის ასოციაციამ გარეთ
საუთგეითი მთავარი მწვრთნელის პოსტზე
ოფიციალურად დანიშნა. 46 წლის ინგლისელმა სპეციალისტმა, რომელმაც სექტემბრის ბოლოს სკანდალური სემ ელერდაისი შეცვალა, ოთხწლიანი კონტრაქტი გააფორმა. საუთგეითმა ინგლისის ნაკრები 28 სექტემბერს ჩაიბარა, მაგრამ დროებით და გუნდს ოთხ თამაშში უხელმძღვანელა. ახლა კი უკვე ოფიციალური ხელშეკრულება დადო. მასთან ერთად ინგლისის ეროვნულმა გუნდმა მსოფლიო ჩემპიონატის საკვალიფიკაციო ეტაპზე სამიდან ორი თამაში მოიგო და ერთი ფრედ დაასრულა. ესპანეთთან ამხანაგური მატჩი კი ფრედ 2:2 დაასრულა. გარეთს აქამდე მხოლოდ ინგლისის ახალგაზრდულ ნაკრებში აქვს ნამუშევარი, რომელსაც 2013 წლიდან მოყოლებული წვრთნიდა.