გერმანიის ეროვნული ნაკრების შემტევი ნახევარმცველი, იულიან დრაქსლერი, კარიერას "პსჟ-ში" გააგრძელებს. 23 წლის ტექნიკური შემტევის ტრანსფერი "ვოლფსბურგიდან" პარიზული კლუბის ოფიციალურმა ვებ-გვერდმა დღეს დაადასტურა. იულიანმა საფრანგეთის მოქმედ ჩემპიონთან ხანგრძლივი კონტრაქტი გააფორმა და "პსჟ-ს" ღირსებას 2021 წლის ზაფხულამდე დაიცავს. შეთანხმების ფინანსური დეტალები არ ვრცელდება, მაგრამ პრესაში იწერება, რომ გერმანულმა კლუბმა, ერთ-ერთ ლიდერის სანაცვლოდ, 45-49 მილიონი ევრო მიიღო. მიმდინარე სეზონში დრაქსლერმა, ყველა ტურნირზე ერთად, 14 მატჩი ჩაატარა და მხოლოდ ორი საგოლე პასი გააკეთა. ის "ვოლფსბურგს" 2015 წელს შეუერთდა, მაგრამ ახალ კლუბში ფეხი ვერ მოიკიდა.