ბელგიურ სერენში მოასპარეზე გიორგი მიქაუტაძე ყველას ყურადღებას იპყრობს. ფეხბურთელმა, რომელსაც საფრანგეთის მოქალაქეობა აქვს, 6 მატჩში 12 გოლი გაიტანა.
ბევრი ფიქრობს, რომ ქართულმა მხარემ ის ეროვნულ გუნდში უნდა გამოიძახოს, რაზეც კომენტარი საქართველოს ფეხბურთის ფედერაციის პრეზიდენტმა, ლევან კობიაშვილმა გააკეთა:
“ალექსანდრე იაშვილს მიქაუტაძესთან კომუნიკაცია აქვს, თუმცა ეს საკითხი გადაწყვეტილი არაა. სურვილი ორივე მხარეს უნდა ჰქონდეს, ეს თანამშრომლობა ცალმხრივი ვერ იქნება. ჩვენ გვაქვს სურვილი, რომ მიქაუტაძე საქართველოს ნაკრებში ვიხილოთ“, - თქვა მან.
შეგახსენებთ, მიქაუტაძე მეცის საკუთრებაა და ის ბელგიაში იჯარის წესით ასპარეზობს. მან ჰეთ-თრიკი ორჯერ შეასრულა, ერთხელ კი თავი პოკერით დაგვამახსოვრა.
