🚨 1930 წლის პირველ მსოფლიო ჩემპიონატზე საფრანგეთის ნაკრებს კაპიტნად ნიჭიერი ნახევარმცველი, ალექსანდრ ვილაპლანი ედგა. ალჟირში დაბადებულმა ფეხბურთელმა „მამლების“ მაისურით 25 მატჩი ჩაატარა, საკლუბო დონეზე კი, სხვა კლუბებთან ერთად, „სეტის“, „რეიმსისა“ და „ნიცას“ ღირსებას იცავდა.

თუმცა, საფეხბურთო მიღწევებზე მეტად ის თავისი კრიმინალური წარსულით გახდა ცნობილი — ვილაპლანი მრავალი სამართალდარღვევისა და დანაშაულისთვის არაერთხელ გაასამართლეს. მისი ყველაზე შემზარავი საქმიანობა მეორე მსოფლიო ომის პერიოდს უკავშირდება: საფრანგეთის ოკუპაციის შემდეგ ის ნაცისტებმა დაიქირავეს, რათა ებრაელები და ფრანგული წინააღმდეგობის მოძრაობის წევრები გაენადგურებინა.

1944 წელს დაკავებულ ვილაპლანს სამშობლოს ღალატისთვის სიკვდილით დასჯა მიუსაჯეს. საფრანგეთის ეროვნული ნაკრების ყოფილი კაპიტანი 1944 წლის 26 დეკემბერს, 39 წლის ასაკში დახვრიტეს.