#1გაგანია მსოფლიოს ჩემპიონატის დროს არავის არ ეპრემიერლიგება, თუმცა კონსერვატორმა ინგლისელებმა ტრადიციას არ უღალატეს და წინა წლების მსგავსად, პრემიერლიგის ახალი სეზონის კალენდარი ივნისის შუა რიცხვებში გამოაქვეყნეს. ინგლისის წლევანდელი ჩემპიონატი სტარტს 2014 წლის 16 აგვისტოს აიღებს და 2015 წლის 24 მაისს დასრულდება. პირველი სუპერმატჩი კი უკვე მეორე ტურშია დაგეგმილი - “იტიჰად სთედიუმზე” ურთიერთობას ის “მანჩესტერ სიტი” და “ლივერპული” გაარკვევენ, რომელთა შორის ბრძოლაშიც გაირკვა გასულ სეზონში ჩემპიონის ვინაობა.
